كيف اكون ايجابي ؟

بسنة 2002 رجعت سناء ع البيت من الشغل و هي زعلانه كتير و بتدعي ع حالها بانها تموت و تخلص من معاناتها بالجامعة و الشغل الي كانت تشتغلو لحتى تقدر تدفع الرسوم الجامعية ، كانت نفسيتها تعبانة بشكل كبير و الطاقة السلبية الي عندها كافية لاحباط اكتر شخص متفائل بالعالم
اجا اخوها الصغير قيس و الي كان عمره 11 سنة و سألها عن سبب زعلها ، و طبعا هي بلشت تحكي و تحكي و تحكي ، ردة فعل قيس كانت بانو صار يضحك و علي صوت ضحكته كتير ، طبعا هي المسكينة انفعلت بزيادة و زاد وجعها و احباطها ، سالتو انت ليه بتضحك؟ و دموعها صارت متل الوادي ع خدودها ، رد عليها بكل ببساطة و حكالها : بدك العلاج؟ حكتلو اه طبعا بس اكيد مو منك لانو صغير و ما بتفهم بهي الامور ، حكالها طبعا مو مني ، الحل موجود بين كلمات ربنا الي حفظلنا اياهم من 1400 سنة بكتابه الكريم ، تفاجئت هي و حكتلو ما فهمت ، لما شاف الحيرة اكتست وجهها حكالها بسرعة ليريحها : علاجك بسورة اسمها طه بالايه رقم 124 ، يقول الله تعالى : “وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ” صدق الله العظيم ، شغلك و دراستك خلتك تفكري انك بتتقربي من ربنا بس بعبادة الشغل و بعبادة العلم بس هدول يا سناء ما بيكفوا ، ربنا بيحب نعبدو بطرق كتيرة و ما بصير نكتفي بعبادة او عبادتين و ما تنسي انو ربنا بيتقرب لالنا باضعاف اضعاف تقربنا منو.
و اذا بدك تفكري بالشي الحلو الي كل يوم بيصير معك و انتي مو حاسه بقيمتو ، اذاً لازم تفكري بانك بكل يوم بتنحرمي من شوفة امي و ابوي ل18 ساعه تقريبا ما بين نوم و شغل و جامعة ، لهيك دايما و انتي برا البيت فكري بانك رح تروحي ع البيت بعد كل هالتعب لتشوفيهم.
و من وقتها سناء صارت تساعد صاحباتها و زملائها بانهم يتجاوزوا كل صعب بيمروا فيو و تنورلهم دروبهم بكلمات الرحمن الودود.