كيف اكون مبسوط؟

مقالي لليوم ما رح احكي فيه امور صعبة او مستحيلة , رح احكي فيه عن تجربة شخصية بحتة .

الظروف السيئة اللي بيمر فيها العالم حاليا وهي جائحة كورونا , اثرت علينا بشكل كبير من الناحية النفسية والجسدية والمالية , خلتنا 24 ساعة نفكر كيف ممكن تخلص هالازمة ولمتى رح تضل وشو رح يصير بمستقبلنا وشغلنا ودراستنا.

خلتنا اقرب ما يكون الى اشخاص تعساء او عالاغلب خلتنا تعساء , بس مش لازم نضل مستسلمين وخاضعين للحزن او التعاسة اللي سببها هالفيروس , لازم نتفائل انه ربنا قادر انه يزيح هاي الغمامة السوداء قريبا , الاشي المهم بهاي الفترة انه نضل متفائلين ونفسياتنا منيحة ونطور من حالنا ودراستنا وما نسمح للحزن او التفكير السلبي يتغلغل فينا , لانه الرسول عليه الصلاة والسلام قال تفائلوا بالخير تجدوه , والاهم هو السعي في الحياة ونصحى الصبح واحنا متأملين انه بكرة احسن شو ما كانت الظروف , وانا بلشت بفترة من قبل كم شهر احس انه نفسيتي سيئة جدا , لحتى قررت بيوم انه لا , ما بصير , انا بس عم بخسر حالي ونفسيتي , وهالظروف هاي اخرتها تمرق وتعدي , وانا لازم اكون اقوى من هيك , صرت اعمل تحديات ومخططات يومية عشان اقدر احس بالانجاز , وفعليا صرت احب اصحى وابلش يومي وابدأ بالمخطط اليومي اللي عملته .

واللي بيحتوي شغلات كتيرة منها قراءة القران وممارسة المشي والرياضة واقرأ كتب واروح على شغلي , والتزمت بالاذكاراليومية , والاهم من كل هاد التفكير الايجابي اللي خليته يسيطر علي , وغير انه تخلصت من الناس السامة اللي حولي اللي كانت تبعث فيي طاقة سلبية رهيبة , نهاية مقالي المتواضع , انت ملك افكارك , وتفائل بما تهوى يكن , انت قوي .