Nokia 5.3 Review
⚠️ شركة Nokia المُحَببة إلي قلبي نازلة بـ Mobile من وجهة نظري عامل زي الجيلي .. دايماً فيه ناس بتحب أم علي وناس تاني بتحب الرز بلبن بس أكيد مافيش إختلاف علي الجيلي أي حد بيحب الجيلي الـ Nokia 5.3 هو ده الجيلي من شركة Nokia 😍🙈
◾التصميم جاي بتصميم من خليط مواد مختلفة في النهاية الأغلبية إستقروا علي إنه Plastic مخلوط مع مواد تاني.
📌 الـ Finish بتاع الـ Mobile مش هيحسسك إنه رخيص خالص بالعكس خامة الـ Matt اللي في الضهر بتحسسك إنك ماسك Mobile غالي أكتر بكتير من ثمن الـ Mobile الفعلي وكمان شركة Nokia بتأكد علي الموقع الرسمي إنه الظهر ضد الخدوش والخربشة.
📌 الـ Notification LED اللي في جنب الـ Mobile شكلها وطريقة إضائتها مُبهرة جداً.
📌 الـ Fingerprint في ضهر الـ Mobile أداءها جيد جداً.
◾الشاشه من نوع IPS LCD بحجم “6.55 بدقة +HD فيها Notch Drop.
📌 كنت أحب إنه الشاشة تيجي بدقة +FHD وخصوصاً الناس اللي بتحب تتفرج علي Videos علي الـ Mobile للأسف أقصي حاجة متاحه ليك هي 720 ☹️
◾المعالج Snapdragon 665 وهنا هنتناقش شوية عن الأداء بالرغم من إنه المعالج فئة متوسطة عادي.
📌 الـ Snapdragon 665 أداءه عادي معالج فئه متوسطة ولكن بيقدم هنا تجربة مختلفة جداً الـ Mobile بيشتغل بسلاسة رهيبه جداً.
◾بيكون عليه Android ONE طبعاً بيخرج من العلبة عليه نسخة Android 10.
📌 الـ Android One مع Nokia بيقدموا وعد إنك معاك Software Updates لمدة سنتين ، Security Updates لمدة ثلاث سنين.
◾موجود به 3.5mm
◾الـ 4000mAh Battery مع Charger 10W عادي مع USB Type C
📌 كنت أتمني إنه طالما فيه USB Type C إنه يكون بيدعم شحن سريع ولو حتي 18W مثلاً.
📌 هنا بقي نقطة عظيمة جداً وهي إنه البطاريه بتقدم أداء جيد جداً يطمح للممتاز البطاريه بتكمل معاك يوم كامل بكل راحه وسهولة ولو يعني ضغطت علي البطاريه قوي و GPS والعاب و Social Media يبقي هتكون علي الأقل بتكفي معاك ٧٠٪ من اليوم بكل راحه برضوا.
◾الـ Cameras 📷
الـ “8” Selfie Camera جايه بـ Notch Drop
الـ “Main Camera “13
الـ “Wide Angel “8
الـ “Macro “5
الـ “Depth “5
📌 الـ Cameras في العام أنا شايف إنها هتكون بتقدم تجربة جيدة ولو إني كنت أتمني العدسات تكون أفضل ولكن هنا بقي يوصل دور Google Camera App واللي مش بنصح أي حد بيه لو مش محتاجه الـ Cameras بتطلع صور رائعة مع الـ Google Camera فعلاً بيحسسك إنك معاك Mobile Flagship بتصور بيه.
📌 أنا مش بستخدم Google Camera وشايف إنه التجربة أنا راضي عنها في إحتياجي ومش بحب أنصح بيه حد علشان مش Official.
◾النسخة المتوفرة في مصر بتيجي بـ
Ram 4GB / Internal Memory 64GB
📌 كنت أتمني إنه يكون فيه إختيارات أكتر وليكن
RAM 6GB / Internal Memory 128
📝 الخلطة دي مع Android One واللي آداءه أكتر من رائع وفكرة الـ Pure Android بدون أي زيادات أو Lanchers أو Apps مضافة عليها ده في حد ذاته بيخلي أداء الـ Mobile سريع وبسيط 👍🏻.
📝 الـ Mobile ده مع الـ Specs دي علي الورق تقول إنه هيعيشك تجربة عادية جداً بالنسبة للـ Snapdragon 665 والـ RAM ولكن الغريب إنه الـ Mobile ده بيعيشك أداء إستثنائي وده ظاهر جداً في الألعاب PUBg , COD تجربة مختلفة و شركة PUBg بتقول مع أول تحديث كل المشاكل الموجودة أغلبها Optimization مع الـ Processor يعني Software Update يحل القصة.
📝 في حين إنه كل الإمكانيات دي أقل من الـ Nokia [6.2 , 7.2 ] اللي مفروض أغلي منه في السعر ولكن بشهادة الجميع وتجربة عملية مافيش تجربة سريعة وبسيطة زي الـ Nokia 5.3.
📝 أنا مش بقول إنه هيكون WOW ولا سئ ولكن هو فئته السعرية اللي ممكن يشجع اي حد هي إنه الـ Mobile ده موجه لفئة عاوزة تشتغل عليه الشغل الطبيعي الروتيني بتاع كل يوم وده الـ Mobile هيعمله بكفاءة جداً وبعد كل ده لو دماغك رجعت للطفل اللي جواك برضوا هيديك تجربة رائعه في الألعاب وتقدر تلعب عليه بجودة كويسة حالياً الـ Mobile بينافس جداً في فئة الـ ٢٥٠٠ جنية.
📝 في النهاية بالرغم من كل العيوب والمميزات بلاش تنسي إنك بتشتري Mobile سعره ما بين الـ ٢٥٠٠ : ٣٠٠٠ جنية.
